新一年先同大家拜個年，祝大家生活安定，香港繁榮。

說回正題: 如何看八十後的出現? 筆者首次看見八十後的出現，應是高铁事件，第一個想法是"阻住地球轉"，全國國地都計劃興建高铁網絡，香港較其他地區遲興建。反而應抗議點解咁遲。所以每次班黃毛小子在電視機出現，我都會對他們"指駡"一翻。

到今年初二(昨日)，呢班小朋友居然出來求簽，重求個"下下簽"。真係人求簽，你求簽，唔識唔好求! 那刻有很多疑問在腦海中，點解呢班人會咁得閒? 在一個大家都開開心心的日子走出泥? 你問我會唔會去，我打死都唔去。真唔明?

去年奧運的成功，作為中國人都好開心。明年亞運會會在香港舉行，從報章上得知唔會大搞。

個人明白，因要量入為出。但想從別一個角度來看，2009年香港舉行東亞運動會，在2010年上海會舉行世博。唔知大家有乜睇法? 更係想搞世博多過亞運啦 ! 在中國內有很多大都會，有时唔係你想辦就辦，國內不同城市都會大家爭辦，個人唔知佢地點決定，但肯定會參考該城市的過往表現，係咪先? 香港這些年頭好似停滯不前，各方面都要負責任。不過想問一個問題 : 香港的定位是甚麼?

這些年頭，香港的老本也吃了不少年，作為香港人，我敢講香港人都係好勤力，但係有時一己之力，係轉變唔到。好似運輸方面:航運由於泊位問題及成本問題，已漸漸被地區內其他港口威脅。航空更不在話下，內地已經有好多地方的機場睇住香港泥做，新的機場更係更完善啦。只係想問香港，可以憑乜係中國城市中佔一席位?

呢次毒奶事件，由牛奶、奶粉發現有問題，到大白兔糖，到熊仔餅。個人未有研究大陸D供應商問題，反而，特區政府就要扣好多分。有時真係唔知D官做乜! 我唔明知處在於由發現到今佢地好似方寸大亂，沒有一個應急能力。平心而論，毒奶唔係佢搞出來，但係佢地的工作係要穩定食品安全，呢D係危機處理。唔係咁貴人工請佢返泥唔只淨係識立法，將個責任推返比供應商。

根本医生做衛生局長就有邏輯問題。次次有問題都話，食幾多就會有事。痴線!!! 有問題就係有問題?!呢D官員連表達能力都有問題。佢地同講含量有百萬份之幾無分別，都係Data，而唔係Information。

佢地都唔知自己出泥講的重點係乜，佢要講比我地知呢D適唔適合人食?建唔建議我地食? 對人的影響係點。唔係話食幾多幾多就有事。我唔信佢用呢個答案可以考到AO，連EO都未必得。連基本邏輯都有問題!!!

更大的問題係...

平時星期六早上會去快歺店吃早歺，昨日已準備早歺所不需要上街迫。一打開收音機就聽到聽見兩個人係到閙交，細聽之下原來係港島區立法局選舉。

如果由我比分，沒有一個係及格的候選人。理由好簡單，立法會係表達市民訴求的地方，我地係咪要d人入去鬧交? 定係想有d人代表我地有商有諒? 在互相諮詢的環節，通常會變成互丙的環節。有時，有d候選人互相插咀，作為聽眾根本快到連一句都聽唔到。

奧運快到作為中國人，更係開心。今年發生了很多事情，越近奧運，心情越緊張，希望真好大家希望係一個平安、開心的奧運。

這些年頭中國、台灣、香港及澳門的關係非常密切，政治話題離不開民主，民生問題。有時真係唔明，民主的理想係為乜? 係要為了建立一個關心人民訴求的政府 ? 定係要搞好經濟的政府 ? 有d人會話要一個有直選的政府 ?

坦白講，就算自命主民的美國係咪我地要o既呢? 美國有民主，不過個人覺得現今的美國正正係民主選舉的黑暗面。佢係直選產生的，但與其用民主來形容，唔知大家同唔同意強權更合適。

呢段時間覺得生命好脆弱，這邊有好多童年時的電視人物一個個地離去 : 肥姐、伍晃榮、劉志榮。哪邊又有大地震，死了咁多人。有時會問今年咁多天災，係咪上天的懲罸。作為中國人，真的希望死去同胞可以安息。作為幸運地生存下來的一群，不禁覺得生命的可貴。
這幾年國內展現了活力不凡的發展，給很多外國看成眼中釘。面對災難，這刻顯示了我國軟弱的一面。回看，你也不難發現中國其實也是一個發展中國家。

今早看回自己的網誌原來都有好多錯字，沒有打算改，反正也不是很多人看。在這希望大家體諒一下。

 近日政府推出醫療融資的討論，真係有點無奈。

我明白推行這個方案的因原是由於人口老化，但我只係担心呢次政府引爆炸彈一個未有估計的炸彈。

慾照之風近日盛行，個人覺得作為香港人都幾收家。先申報立場作為男人，重要係好管閒事的男人。你問我會唔會想睇個究竟，我可以話會。我唔係一個清高的人。不過，近日見到涉案女事主個個都出現家庭或婚姻問題，作為男人你會點睇? 若果話佢地係底死的，希望你做人公平d，但願你家人、朋友唔會有咁ｏ既下場。

新一份財政預算快將面世，好多不同界別都話要財爺改善生活。我地d中產冇乜要求，但求曾財爺唔好再計錯數就多謝佢老人家。 有人會話，咁大個政府部門點會計錯?