新一年先同大家拜個年，祝大家生活安定，香港繁榮。

說回正題: 如何看八十後的出現? 筆者首次看見八十後的出現，應是高铁事件，第一個想法是"阻住地球轉"，全國國地都計劃興建高铁網絡，香港較其他地區遲興建。反而應抗議點解咁遲。所以每次班黃毛小子在電視機出現，我都會對他們"指駡"一翻。

到今年初二(昨日)，呢班小朋友居然出來求簽，重求個"下下簽"。真係人求簽，你求簽，唔識唔好求! 那刻有很多疑問在腦海中，點解呢班人會咁得閒? 在一個大家都開開心心的日子走出泥? 你問我會唔會去，我打死都唔去。真唔明?

這幾天拜年，親戚都會傾開工作與升職的問題。近年，唔知有幾多人有人工加? 好多職業顧問都話這些是"老闆年"，老闆惡晒，賺大錢，分小小，賺小小或無賺，裁員。點解?

回歸後，香港的發展步慢了。唔知係咪因為追求民主，分了神。一個地區的經濟發展，可創做出一定數量的職位。這些不同職級的職位，讓居民可以在職業發展中穩步上升。相反，過去幾年，政府為了應付數字遊戲，要乜又搞個展翅，要乜又搞個副學仕，要乜又搞個青年創業。一個官上場就搞一個SHOW, 沒有一個人去問佢地責。

內地也有保八做目標，即要保持八個百分點的經濟增長，似供給足夠的職位給整體的經濟發展。香港正因沒有保持增長，而新增的工作力，變成競爭對手，人工下滑，又點會好呀?

用以上現像，不難理解，點解八十後會咁激? 因為在六十後，想發圍又遇著經濟差。 七十後，可以在職場上一份牛工，但若轉工分分鐘要六折、七折 。八十後，跟本入唔到隊。重有九十後, 點算?

要長遠解決問題，要拉動整體經濟，由人力資源的上游著手，令六十後、七十後的職場上移，從而令八十後的入職，才是長久之策。